Kunngissap nalliunneranut qaaqqusaaneq

Kalaallit Nunaanni Juullip Nipitittagaata aningaasaateqarfiata siulittaasua Augusta Jerimiassen Kunngissap Frederiup nalliunneranut qaaqqusaalluni Kunngip umiarsuaanut Dannebrogmut angalaaqataavoq Qallunaat Nunaanni Juullip nipitittagaanut ikiortit siulittaasuat Frida Winberg Waaben peqatigalugu.

Kunngissaq Frederiup 50-siliinerminut atatillugu peqatigiiffilerisut illersortaaffini Kunngip Umiarsuaanut Dannebrogmut marlunngornermi 22. maj 2018 angalaatigai. Qaaqqusat Kunngip umiarsuaanut Dannebrogmut Københavnimi Amaliehavemiit Øresundimut angalaarunneqarput. Qaaqqusat peqatigiiffinneersut aningaasaateqarfinneersullu periarfissinneqarput Kunngissamut tunissuteqarnissaminnut pilluaqqusinissaminnullu. Juullip Nipitittagaata Aningaasaateqarfiata Kunngissamut tunissutigaat ukioq kingulleq juullip nipitittagaliorluni ajugaatinneqartup Gukki Nuka Møllerip eqqumiitsuliorluni suliaa nannumik assiliartalik aammalu katitertakkat juullip nipitittagaanik assiliartallit.

Print Friendly, PDF & Email